ശശിക്കെതിരെ കണിശമായും നടപടിയെടുക്കുമെന്ന് പാർട്ടിയെ പ്രതിരോധത്തിലാക്കി വി.എസ്

ഷൊർണൂർ എം.എൽ.എ പി.കെ. ശശിക്കെതിരായ ലൈംഗികാരോപണ പരാതിയിൽ മെല്ലപ്പോക്ക് സമീപനം തുടരുന്നതിനിടെ പാർട്ടിയെ പ്രതിരോധത്തിലാക്കി ഭരണപരിഷ്കാര കമ്മിഷൻ അദ്ധ്യക്ഷൻ വി.എസ് അച്യുതാനന്ദൻ. ശശിക്കെതിരെ നടപടിയുണ്ടാകുമെന്ന് അദ്ദേഹം മാധ്യമ പ്രവർത്തകരോട് പറഞ്ഞു. ആവർത്തിച്ചുള്ള മാദ്ധ്യമ പ്രവർത്തകരുടെ ചോദ്യത്തോട്,​ സ്ത്രീ വിഷയം ആയതിനാൽ കണിശമായും നടപടിയുണ്ടാകും. പഠിച്ചിട്ടും വേണം നടപടി സ്വീകരിക്കാനെന്നും വി.എസ് മറുപടി നൽകി.

അതേസമയം,​ ശശിക്കെതിരായ പീഡന പരാതിയെ കുറിച്ച് തനിക്ക് അറിയില്ലെന്നാണ് മന്ത്രി കെ.കെ.ശൈലജ പറഞ്ഞത്. എന്ത് പറഞ്ഞാലും വിവാദമാകും. അതുകൊണ്ട് പക്ഷം പിടിക്കാനില്ലെന്നും ശൈലജ മാധ്യമങ്ങളോടു പറഞ്ഞു.

സുപ്രീംകോടതി അനുവദിച്ചാൽ നാലു മെഡിക്കൽ കോളജുകളിലെ പ്രവേശനം പുനരാരംഭിക്കും. ഹൈക്കോടതി പറഞ്ഞിട്ടാണ് അഡ്മിഷൻ തുടങ്ങിയത്. സുപ്രീം കോടതിയെ വിമർശിക്കാനില്ലെന്നും നാല് സ്വാശ്രയ മെഡിക്കൽ കോളേജുകളിലെ പ്രവേശനം തടഞ്ഞുകൊണ്ടുള്ള ഉത്തരവിനെ കുറിച്ച് മന്ത്രി വ്യക്തമാക്കി.

ഇംഗ്ലീഷ് സംസാരിക്കാം: 100 % ഗ്യാരന്റി; ചേർത്തലയിൽ സ്പോക്കൺ ഇംഗ്ലീഷ് ക്‌ളാസ് തുടങ്ങി; ഫോൺ : 9447975913