പോലീസ് സ്‌റ്റേഷനില്‍ എസ്.ഐയുടെ കിടിലന്‍ ഡാന്‍സ്; വീഡിയോ വൈറലായി; എസ്.ഐക്കെതിരെ അന്വേഷണം

പോലീസുകാര്‍ പ്രതികളെക്കൊണ്ട് സ്റ്റേഷനില്‍ പലതരത്തിലുള്ള കലാ പരിപാടികളും നടത്താറുണ്ട്. പെറ്റിക്കേസുകളില്‍ പിടിക്കുന്ന പ്രതികള്‍ക്കു സ്റ്റേഷനില്‍ വിചിത്രമായ ശിക്ഷാ രീതികള്‍ കൊടുക്കുന്നത് നാം ഇതിനു മുന്‍പും കണ്ടിട്ടുള്ളതാണ്.

എന്നാല്‍ അതില്‍ നിന്നെല്ലാം വ്യത്യസ്ഥമായൊരു പോലീസ് സ്‌റ്റേഷന്‍ വാര്‍ത്തയാണ് ഇപ്പോള്‍ പുറത്തുവന്നിരിക്കുന്നത്. പോലീസുകാരന്‍ സ്റ്റേഷനില്‍ ഡാന്‍സു കളിക്കുന്ന വീഡിയോയാണ് ഇപ്പോള്‍ സമൂഹ മാധ്യമങ്ങളില്‍ വൈറലായിക്കൊണ്ടിരിക്കുന്നത്. കോല്‍ക്കത്തയില്‍ ഹിരാപൂര്‍ പോലീസ് സ്റ്റേഷനിലെ മൊണ്ടല്‍ എന്ന എസ്ഐ ആണ് വീഡിയോയില്‍ മതിമറന്ന് ആനന്ദനൃത്തമാടുന്നത്. ബോളിവുഡ് ഹിറ്റ് ഗാനം ‘തുകുര്‍ തുകുര്‍ ദേക്തേ ഹോ ക്യാ’ എന്ന ഗാനത്തിനാണ് പോലീസ് ഉദ്യോഗസ്ഥന്‍ തന്റെ നൃത്ത വൈദഗ്ധ്യം പുറത്തെടുത്തത്.

എന്നാല്‍ സംഗതി വൈറലായതോടെ സബ് ഇന്‍സ്പെക്ടര്‍ക്കെതിരെയും, വീഡിയോ പകര്‍ത്തിയ പോലീസുകാരന് എതിരെയും അന്വേഷണം പ്രഖ്യാപിച്ചു.അതേ സമയം സഹപ്രവര്‍ത്തകരുടെ നിര്‍ബന്ധത്തിന് വഴങ്ങിയാണ് താന്‍ ഡാന്‍സ് കളിച്ചതെന്നാണ് സബ് ഇന്‍സ്പെക്ടര്‍ മൊണ്ടലിന്റെ ന്യായീകരണം.